Glen fékk sýkingu

Glen Johnson missti af toppslagnum milli Liverpool og Arsenal í gær eftir að hafa fengið sýkingu í andlitið. Reiknað var með að Glen myndi taka þátt í leiknum en þegar leið að leik fór hann að finna fyrir miklum verkjum hægra megin í andliti.

Í ljós kom að um var að ræða sýkingu og því gat Glen ekki spilað. Ungliðinn Jon Flanagan kom óvænt inn í liðið og stóð fyrir sínu.

Glen er sem betur fer á batavegi og ætti að vera tilbúinn í baráttuna næsta laugardag þegar Liverpool fær Fulham í heimsókn.