Luis dæmdur í fjögurra mánaða bann!

Alþjóðaknattspyrnusambandið, FIFA, dæmdi Luis Suarez í dag í fjögurra mánaða bann frá allri knattspyrnuiðkun. Þetta er þyngsti dómur sem knattspyrnumaður hefur fengið fyrir brot innan vallar.

Luis má ekki spila næstu níu leiki með landsliði sínu og því er Heimsmeistarakeppnin búin hjá honum. Hann þurfti líka að greiða 12 og hálfa milljón í sekt. Knattspyrnusamband Úrúgvæ ætlar að áfrýja dómi FIFA.

Bannið setur heldur betur strik í reikinga Liverpool en Luis má ­ekki  spila með liðinu sínu fyrr en í lok október! Það þýðir að hann missir allt upp í 13 leiki með Liverpool og er það auðvitað mikið áfall fyrir Brendan Rodgers og lið hans. Það sem meira er þá mun honum heldur ekki vera leyfilegt að æfa með Liverpool. Það má þó selja hann milli félaga á þessum tíma. 

Liverpool Football Club sendi í kjölfar dómsins frá sér yfirlýsingu þar sem greint var frá því að ekki yrði tjáð sig um dóminn, af hálfu félagsins, fyrr en dómurinn hafi verið skoðaður betur. Leik­bannið tek­ur gildi frá og með deg­in­um í dag.