Frægur fyrir leik

Íþróttafréttamaðurinn Guðjón Guðmundsson er einn harðasti stuðningsmaður Liverpool á Íslandi. Hann er spámaður góður og þessvegna er það fagnaðarefni að sjá að hann spáir Liverpool 4. sætinu í vor. 

Guðjón, eða Gaupi eins og hann er gjarnan kallaður, er „Frægur fyrir leik" að þessu sinni.

Hvenær byrjaðir þú að halda með Liverpool?
Ég byrjaði að halda með Liverpool 9 ára gamall. Bítlarnir hjálpuðu þar til. 

Hvaða leikmaður í Liverpool sögunni er í mestu uppáhaldi hjá þér? 
Hér væri einfalt að segja Dalglish, en ég segi Jamie Carragher. Leikmaður sem lýsir félaginu og innviðum þess vel.

Hver er í mestu uppáhaldi af núverandi leikmönnum liðsins?
Gerrard og svo Jordan Henderson. Gullmoli sem er að stíga upp. Leikmaður sem staðist hefur mótlæti.

Ef þú mættir kaupa einn leikmann að eigin vali til Liverpool, hvern myndirðu velja? 
Raul Garcia hjá Atletico Madrid. Sannfærður um að hann gæti gert liðið betra.

Hvernig fer leikurinn gegn Aston Villa um helgina?
Liverpool þarf á sigri að halda og þeir klára þetta, 2-0.

Í hvaða sæti endar Liverpool í vor?
4. sæti. Verður erfitt, en það tekst.