Steven byrjaður að æfa!

Steven Gerrard er byrjaður að æfa á nýjan leik eftir að hafa verið frá vegna meiðsla frá því í síðasta mánuði. Nú er að sjá hvort hann kemur inn í liðshópinn fyrir leik Liverpool og Burnley á morgun.


Steven fór meiddur af velli þegar Liverpool vann Tottenham 3:2 í síðasta mánuði. Hann var þá stirður aftan í læri og þurfti að fara í meðferð vegna þeirra meiðsla. Þó svo að Liverpool hafi gengið býsna vel frá því Steven meiddist þá er ekki vafi á því að endurkoma fyrirliðans styrkir liðið. Hann og Raheem Sterling hafa til dæmis skorað flest mörk leikmanna Liverpool á leiktíðinni eða 10 talsins.

Hér eru myndir frá æfingu Liverpool á Melwood í gær.