Sigur í Tælandi

Liverpool byrjaði undirbúningstímabilið með öruggum sigri í Tælandi. Liðið mætti úrvalsliði Tælands á Rajamangala leikvanginum í Bangkok og vann 4:0. Fimm nýir leikmenn spiluðu með. 

Liverpool fékk óskabyrjun því Lazar Markovic skoraði strax á 3. mínútu. Hann fékk boltann inni í vítateignum eftir frábæra sendingu frá Joao Carlos Teixeira, lék á markmanninn og skoraði úr þröngu færi.

Liverpool léði lögum og lofum en meira var ekki skorað fyrr en rétt fyrir hálfleik en þá skallaði Mamadou Sakho í markið eftir horn frá Joao sem var mjög góður. Danny Ings skoraði um miðjan hálfleikinn en markið var af ókunnum ástæðum dæmt af.

Brendan Rodgers setti nýja menn inn á í síðari hálfleiknum sem leikinn var í úrhellisrigningu með þrumuveðri sem hafði undirleik til að byrja með. Við bættist að hitinn var um 30 stig. Liverpool bætti við marki snemma í síðari hálfleik. Adam Lallana skoraði þá með öruggu skoti utarlega í vítateignum eftir stórfenglega sendingu frá Jordan Henderson. Reyndar var varla hægt að spila boltanum þegar leið á hálfleikinn þar sem völlurinn var gersamlega á floti.

Divock Origi var mjög grimmur í sókninni og átti tvívegis skot í tréverkið á stuttum tíma. Heimamenn komust næst því að skora þegar skot eins þeirra úr aukaspyrnu fór í varnarmann Liverpool og af honum upp í þverslána. Stuttu fyrir leikslok skoraði Divock loks þegar hann skallaði óáreittur hornspyrnu Jordan í markið. Öruggur sigur og vel spilað á köflum það er að segja á meðan hægt var að spila knattspyrnu á vellinum! 

Jordan Henderson, nýskipaður fyrirliði, tók við verðlaunagrip eftir leikinn og allir Rauðliðar fóru ánægðir upp í flugvél sem flaug til Ástralíu. Liverpool spilar tvo leiki þar. 
 
Liverpool - Fyrri hálfleikur: Adam Bogdan, Joe Gomez, Kolo Toure (Fyrirliði), Mamadou Sakho, Andre Wisdom, Lucas Leiva, Jordan Rossiter, Joao Carlos Teixeira, Lazar Markovic, Danny Ings og Rickie Lambert.

Liverpool - Seinni hálfleikur: Simon Mignolet, Nathaniel Clyne, Martin Skrtel, Dejan Lovren, Joe Maguire, Joe Allen, Jordan Henderson (Fyrirliði), James Milner, Jordan Ibe, Adam Lallana og Divock Origi.

Ónotaðir varamenn: Ryan Fulton, Daniel Cleary, Alberto Moreno, Pedro Chirivella, Ryan Kent, Harry Wilson og Sheyi Ojo.

Mörk Liverpool: Lazar Markovic, Mamadou Sakho, Adam Lallana og Divock Origi.

Hér eru myndir úr leiknum af Liverpoolfc.com.