Fernando Torres á batavegi

Fernando Torres, fyrrum leikmaður Liverpool, er á batavegi eftir að hafa fengið slæmt höfuðhögg í leik fyrir helgi. Framherjinn skall harkaleg til jarðar í leik Deportivo La Coruna og Atletico Madrid á fimmtudagskvöldið og missti meðvitund. Hann var fluttur í skyndi á sjúkrahús þar sem hann var eina nótt. 

Fernando fékk að fara heim af sjúkrahúsinu daginn eftir en var skipað af læknum að hafa hægt um sig næstu tvo sólarhringa. Allt virðist hafa farið vel en viðstöddum leist ekki á blikuna þegar Fernando fékk byltuna. Hann ætti því fljótlega að geta farið að æfa með Atletico á nýjan leik sem eru góðar fréttir.


Fernando lék með Liverpool frá 2007 til 2010 en þá gekk hann til liðs við Chelsea. Sumarið 2014 fór hann á lán til AC Milan og þaðan var hann lánaður nokkrum mánuðum seinna til Atletico Madrid þar sem hann hóf ferilinn. Hann gerði svo seinna fastan samning við Atletico en í millitíðinni hafði hann gert samning við Milan. Nokkuð flókið ferli en Fernando nýtur þess nú að spila með Altetico og er búinn að standa sig vel. Hann hefur bætt nokkrum mörkum á markareikning sinn hjá Altetico sem hann opnaði ungur að árum.