Magnaður árangur hjá Mohamed

Mohamed Salah skoraði sigurmark Liverpool á móti Brighton á dögunum. Markið þýddi að hann hefur nú skorað 29 mörk í þeim 29 leikjum sem hann hefur spilað á Anfield Road. Af þessum 29 mörkum eru 20 deildarmörk og þau hefur hann skorað í 20 leikjum. Magnaður árangur! 


Frá byrjun síðustu leiktíðar hefur Mohamed átt þátt í 46 deildarmörkum sem Liverpool hefur skorað. Hann hefur skorað 35 mörk og lagt 11 upp. Það er 12 mörkum meira en nokkur annar leikmaður á sama tímabili.