Daniel Sturridge ákærður

Enska knattspyrnusambandið hefur ákært Daniel Sturridge fyrir að hafa brotið reglur um veðmál. Brotið á að hafa átt sér stað í janúar á þessu ári. Daniel fór í lán til West Bromwich Albion í þeim mánuði. 

Daniel neitar sök og segist aldrei hafa tekið þátt í veðmálum um knattspyrnu. Hann segist munu aðstoða á allan hátt við rannsókn málsins. Verði Daniel fundinn sekur á hann yfir sér sekt eða leikbann. 


Daniel Sturridge hefur staðið sig mjög vel á þessari leiktíð og skorað fjögur mörk auk þess að eiga þátt í nokkrum. Hann er vonandi saklaus af þessari ákæru.