Landsleikir

Tímabilinu er svo sannarlega ekki lokið hjá nokkrum leikmönnum félagsins og hér má lesa um gengi þeirra í landsleikjum fimmtudags og föstudags.

Bakverðirnir Conor Bradley og Kostas Tsimikas mættust í Þjóðadeildinni með landsliðum sínum, Norður-Írlandi og Grikklandi. Tsimikas spilaði allan leikinn og Bradley spilaði í rúman klukkutíma í 1-0 sigri Grikkja.

Brasilíumenn mættu Suður-Kóreu í Seúl í vináttuleik. Skemmst er frá því að segja að Brasilía vann 5-1 sigur og kom Fabinho inná sem varamaður á 71. mínútu en Alisson sat á bekknum allan tímann.

Á föstudaginn spiluðu svo þeir Virgil van Dijk og Curtis Jones. Virgil var í byrjunarliði Hollendinga og spilaði allan leikinn þegar þeir mættu Belgíu í Þjóðadeildinni og unnu 4-1 sigur.

Jones var í byrjunarliði U-21 árs landsliðs Englendinga í leik gegn Tékklandi í undankeppni Evrópumóts U-21 landsliða. Enskir unnu 2-1 sigur og átti Jones sinn þátt í fyrsta marki Englendinga sem Emile Smith Rowe skoraði. Jacob Ramsey skoraði svo seinna mark Englendinga.