Leikjatilfærslur

Liverpool átti að spila við Fulham um síðustu helgi en leiknum var frestað. Nú er búið að dagsetja leikinn. Annar leikur var líka færður til. 

Liverpool og Fulham munu mætast á Anfield Road miðvikudagskvöldið 3. maí. Þegar komið verður fram í maí verður kominn sumartími á Englandi. Flautað verður til leiks klukkan átta að enskum tíma sem er sjö að íslenskum. 

Leikur Liverpool og Brentford er á dagskrá laugardaginn 6. maí. Leikurinn átti að vera klukkan þrjú en þess í stað fer hann fram klukkan hálf sex að staðartíma en klukkutíma fyrr að íslenskum tíma. Leikið verður á Anfield.


Nú er að vona að Liverpool nái sex stigum úr þessum leikjum. Úr fyrri leikjum liðanna í höfuðstaðnum fékk Liverpool aðeins eitt stig eftir jafntefli 2:2 við Fulham. Liverpool tapaði 3:1 fyrir Brentford.