Rafa: Maxi verður betri

Í janúar síðastliðinum gekk Argentínumaðurinn Maxi Rodriguez í raðir Liverpool á frjálsri sölu frá Atletico Madrid. Hann hefur lengi átt fast sæti í byrjunarliði argentíska landsliðsins einnig sem hann hefur spilað stórt hlutverk hjá Atletico Madrid undanfarin ár en hann tók við fyrirliðabandi liðsins eftir að Fernando Torres gekk til liðs við Liverpool.

Maxi hefur nú tekið þátt í sex leikjum og að margra mati ekki staðið sig nægilega vel. Rafael Benítez kemur honum til varnar og segir að hann muni verða mikið betri þegar honum hefur tekist að aðlagast ensku deildinni betur.

"Mér finnst hann standa sig vel. Þetta getur alltaf reynst erfitt fyrir nýja leikmenn en hann gefur okkur gæði í að halda boltanum og góðar hreyfingar, hann leggur einnig hart að sér. Hann mun bæta sig. Samskipti leikmanna munu hjálpa leik hans og það mun gera hlutina betri fyrir okkur.

Hann er í lagi núna. Hann verður að bæta ensku kunnáttu sína en hann er að mæta á námskeið. Hann hefur einnig Mascherano og Insua á svæðinu og þeir hjálpa honum. Maður sér að hann er klárlega ánægður og við munum reyna eins og við getum að halda honum þannig." sagði Rafael Benítez.

Maxi byrjaði inn á gegn Everton þegar liðin mættust í afar hörðum grannaslag í upphafi mánaðar. Leikurinn spilaðist afar harður, tvö rauð spjöld fóru á loft og þau hefðu jafnvel getað verið fleiri. Benítez er ánægður með frammistöðu Maxi í leiknum og telur leikinn mikilvægan í aðlögunarferli leikmannsins.

"Allir nýir leikmenn verða töluvert hissa þegar þeir sjá jafn hraðan og kraftmikinn leik því þeir sjá þá muninn á þessum grannaslag og grannaslögum í öðrum löndin en það er hluti að aðlögunarferlinu."

Líklega ein af helstu ástæðunum fyrir því að Maxi ákvað að ganga til liðs við Liverpool er sú að hann á góða vini sem voru fyrir í liðinu. Hann lék í nokkur ár með Fernando Torres hjá Atletico Madrid og hefur verið fastamaður í landsliðinu með Javier Mascherano, einnig sem að annar samlandi hans, Emiliano Insua er hjá liðinu.