Var næstum farinn

Lucas Leiva segir að það hafi munað litlu að hann færi frá Liverpool núna í sumar. Hann er á hinn bóginn mjög ánægður með að ekkert varð af brottför og hann sé áfram hjá félaginu.

Lucas var orðaður við nokkur félög og þá helst Besiktas í Tyrklandi. Það varð þó ekkert af því að Lucas færi en það mun hafa munað mjög litlu eftir því sem hann segir sjálfur.

Lucas spilaði mjög vel i fyrsta leik sínum á leiktíðinni þegar Liverpool og Arsenal skildu jöfn án marka í London. Hann var á hinn bóginn, líkt og aðrir leikmenn Liverpool, langt frá sínu besta í síðasta leik á móti West Ham. Nú er að sjá hvort hann verður valinn til þess að spila á móti United í Manchester á laugardaginn.