Lucas Leiva

Duglegur miðjumaður sem var valinn besti leikmaður brasilísku 1. deildarinnar á sínu fyrsta tímabili í efstu deild. Hann er jafnframt yngsti leikmaðurinn sem hefur hlotið þessa nafnbót sem kappar eins og Zico, Falcao, Careca, Romario, Kaka og Tevez geta státað af.  

Lucas var keyptur til Liverpool fyrir tímabilið 2007-2008 fyrir fimm milljónir punda sem þykir ekki mikill peningur fyrir efnilegan leikmann sem hefur verið fyrirliði í unglingalandsliðum Brasilíu og leikið þrjá leiki fyrir A-landsliðið.

Frumraun sína fyrir Liverpool þeytti hann í forkeppni Meistaradeildarinnar þegar Liverpool mætti Toulouse í ágúst mánuði 2007. Hann lék yfir þrjátíu leiki fyrir Liverpool á sínu fyrsta tímabili í Úrvalsdeildinni og þótti hann í stöðugri bætingu. Fyrsta mark sitt skoraði hann með glæsilegu skoti gegn Havant&Waterlooville í FA Bikarnum það sama ár. Lucas hefur skorað fjögur mörk fyrir Liverpool, hann hefur skorað eitt mark í öllum keppnum sem hann hefur tekið þátt í með Liverpool.

Á síðustu leiktíð, 2008-2009, missti Lucas af fyrstu deildarleikjum Liverpool þegar hann var í bronsliði Brasilíu á Ólympíuleikunum í Kína. Hann lék 39 leiki fyrir Liverpool á tímabilinu þrátt fyrir erfiða baráttu um stöðu við Javier Mascherano og Xabi Alonso. Hápunktur hans var frammistaða hans í stórsigri Liverpool á Manchester United þegar liðin mættust á Old Trafford í mars mánuði árið 2009, þá leysti hann Xabi Alonso af hólmi sem var fjarverandi en það var ekki að sjá í leiknum að Lucas sé ekki jafnoki Alonso miðað við frammistöðu hans í þeim leik.

Tölfræðin fyrir Lucas Leiva

Tímabil	Deild	Bikar	Deildarbikar	Evrópa	Annað	Alls
2007/2008	18 - 0	4 - 1	3 - 0	7 - 0	0 - 0	32 - 1
2008/2009	24 - 1	2 - 0	2 - 1	10 - 1	0 - 0	38 - 3
2009/2010	35 - 0	2 - 0	0 - 0	13 - 1	0 - 0	50 - 1
2010/2011	33 - 0	1 - 0	1 - 0	12 - 1	0 - 0	47 - 1
2011/2012	12 - 0	0 - 0	3 - 0	0 - 0	0 - 0	15 - 0
2012/2013	26 - 0	1 - 0	0 - 0	4 - 0	0 - 0	31 - 0
2013/2014	27 - 0	1 - 0	1 - 0	0 - 0	0 - 0	29 - 0
2014/2015	20 - 0	3 - 0	5 - 0	4 - 0	0 - 0	32 - 0
2015/2016	27 - 0	1 - 0	5 - 0	7 - 0	0 - 0	40 - 0
2016/2017	24 - 0	3 - 1	4 - 0	0 - 0	0 - 0	31 - 1
Samtals	246 - 1	18 - 2	24 - 1	57 - 3	0 - 0	345 - 7

Fréttir, greinar og annað um Lucas Leiva