Ógleymanlegt!

Natasha Dowie braut blað þegar hún varð fyrst kvenna til að spila með goðsagnaliði Liverpool. Hún fagnaði líka sigri á laugardaginn því Liverpool vann Chelsea 2:0. Natasha segir ógleymanlegt að hafa fengið tækifæri til að taka þátt í leiknum.

,,Alveg frábært. Mestu skiptir að við söfnuðum peningum til góðra málefna og svo unnum við leikinn. Persónulega var ánægjulegt að fá tækifæri til að taka þátt í leiknum og spila fyrir framan svona marga áhorfendur."

,,Það var frábært að spila með mönnum á borð við Steven Gerrard. Strákarnir tóku mér mjög vel. Í gærkvöldi var æfing og ég var strax boðin velkomin í hópinn."

Fleiri goðsagnir úr kvennaliðinu koma örugglega við sögu í framtíðinni þegar goðsagnalið Liverpool safnast saman til leikja. Það er hið besta mál!